పెళ్లికి ముందే మీ భాగస్వామితో.. ఈ విషయాలు తెలుసుకుంటే అంతా హ్యాపీ..

పెళ్లికి ముందే మీ జీవిత భాగస్వామికి మీ ఆలోచనలు, అభిప్రాయాలు, కుటుంబంలో మీ పాత్ర ముందుగానే తెలియజేయడం చాలా ముఖ్యం. వైవాహిక జీవితం సవ్యంగా సాగాలంటే ఇద్దరి ఆలోచనలు ఒకేలా ఉండాలి.

ఒకరి కుటుంబం గురించి మరొకరు తెలుసుకోవాలి.  ఇరు కుటుంబాల సంప్రదాయాలు, ఆర్థిక స్థితి గతులు అర్థం చేసుకోవడం చాలా ముఖ్యం.

పెళ్లికి ముందు ఇద్దరూ వారి ఆరోగ్య పరిస్థితి గురించి తెలుసుకోవడం చాలా ముఖ్యం. దీర్ఘకాలిక వ్యాధులు ఉంటే ముందే చెప్పడం వల్ల ఇద్దరూ నిర్ణయం తీసుకోవడానికి అవకాశం ఉంటుంది. 

సంపాదన, ఖర్చులు, అప్పులు, దాచుకున్న డబ్బు గురించి ఇద్దరూ మాట్లాడుకోవాలి. డబ్బు విషయాల్లో గొడవలు వస్తే సంసారం సాఫీగా సాగదు.

పెళ్లికి ముందు పిల్లల గురించి స్పష్టంగా మాట్లాడుకోవాలి. ఈ విషయంపై ఏకాభిప్రాయం లేకపోతే భవిష్యత్తులో సమస్యలు తలెత్తవచ్చు. పిల్లలు కావాలా? వద్దా? ఎంతమంది కావాలి? అనేవి చర్చించాలి. 

ఒకరి నమ్మకాలు, ఆచారాలు ఇంకొకరు గౌరవించుకోవాలి. పెళ్లి అంటే ఇద్దరు వ్యక్తుల కలయిక మాత్రమే కాదు, రెండు విభిన్న సంస్కృతులు గల కుటుంబాల కలయిక కూడా.