- Home
- Business
- Top 5 AMT Cars: మీరు ఆటోమెటిక్ కారు కొనాలనుకుంటున్నారా? రూ.10 లక్షల లోపు లభించే టాప్ 5 కార్లు ఇవే
Top 5 AMT Cars: మీరు ఆటోమెటిక్ కారు కొనాలనుకుంటున్నారా? రూ.10 లక్షల లోపు లభించే టాప్ 5 కార్లు ఇవే
కారుల్లో AMT వేరియంట్లను ఇష్టపడే వారు ఎక్కువగా ఉంటారు. ఇవి నడపడానికి చాలా సింపుల్ గా ఉంటాయి. మీరు కూడా ఇలాంటి కారు కొనాలని ప్లాన్ చేస్తుంటే ఈ సమాచారం మీకు బాగా ఉపయోగపడుతుంది. ప్రస్తుతం మార్కెట్ లో టాప్ 5 AMT కార్ల గురించి ఇప్పుడు తెలుసుకుందాం.
- FB
- TW
- Linkdin
Follow Us
 "మారుతి సుజుకి ఫ్రాంక్స్")
మారుతి సుజుకి ఫ్రాంక్స్
మారుతి సుజుకి ఫ్రాంక్స్ బలెనో ప్రీమియం హ్యాచ్‌బ్యాక్ క్రాస్ఓవర్ వెర్షన్. ఇది 1.2 లీటర్ పెట్రోల్ ఇంజిన్, ఐదు స్పీడ్ ఆటోమేటిక్ మాన్యువల్ ట్రాన్స్మిషన్ కలిగి ఉంది. ఫ్రాంక్స్‌లో మూడు AMT వేరియంట్‌లు ఉన్నాయి. అవి డెల్టా, డెల్టా+, డెల్టా+(O). ఇవన్నీ రూ.10 లక్షల లోపు ధరలోనే లభిస్తాయి.
టాటా పంచ్
భారతదేశంలో అత్యంత ప్రజాదరణ పొందిన SUVలలో టాటా పంచ్ ఒకటి. దీని ధర రూ.10 లక్షల లోపే ఉంది. ఇందులో AMT ఆప్షన్ కూడా ఉంది. టాటా పంచ్ AMT 1.2 లీటర్, మూడు సిలిండర్ పెట్రోల్ ఇంజిన్‌తో నడుస్తుంది. దీని ఫీచర్లలో 7 అంగుళాల టచ్‌స్క్రీన్‌తో కూడిన పెద్ద ఇన్ఫోటైన్‌మెంట్ సిస్టమ్ ఉంది. ఇది సన్‌రూఫ్, 16 అంగుళాల అల్లాయ్ వీల్స్, వైర్‌లెస్ ఫోన్ ఛార్జింగ్, కనెక్టివిటీ తదితర ఫీచర్లను కలిగి ఉంది.
నిస్సాన్ మాగ్నైట్
మన దేశంలో అత్యంత తక్కువ ధరకు లభించే AMT SUVలలో నిస్సాన్ మాగ్నైట్ ఒకటి. ఇక AMT మోడల్స్ విషయానికి వస్తే ఈ SUV చాలా తక్కువ ప్రారంభ ధరను కలిగి ఉంది. ఈ కారు 1.0 లీటర్ పెట్రోల్ ఇంజిన్‌ను కలిగి ఉంది. దీని ధర రూ.6.75 లక్షల నుండి రూ.9.99 లక్షల (ఎక్స్-షోరూమ్) మధ్య ఉంటుంది. ఇందులో 9.0 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 16 అంగుళాల అల్లాయ్ వీల్స్, లెదరెట్ డాష్‌బోర్డ్ ఇన్లేలు, ఆరు ఎయిర్‌బ్యాగ్‌లు, క్రూయిజ్ కంట్రోల్ వంటి ఫీచర్లు ఉన్నాయి.
రెనాల్ట్ కిగర్
నిస్సాన్ మాగ్నైట్ లాంటిదే రెనాల్ట్ కిగర్ కూడా. ఇందులో 1.0 లీటర్, మూడు సిలిండర్ పెట్రోల్ ఇంజిన్, AMT ట్రాన్స్మిషన్ ఉన్నాయి. స్పెసిఫికేషన్లు కూడా మాగ్నైట్ లాగానే ఉన్నాయి. రెనాల్ట్ కిగర్ ధర విషయానికొస్తే ఇది మార్కెట్ లో రూ.10 లక్షల లోపే లభిస్తోంది. ఈ కారు మిడ్ స్పెక్ RXL, RXT (O) ట్రిమ్‌లు AMT గేర్‌బాక్స్‌తో వస్తాయి.
హ్యుందాయ్ ఎక్స్టర్
1.2 లీటర్, నాలుగు సిలిండర్ పెట్రోల్ ఇంజిన్, ఐదు గేర్ స్పీడ్ కలిగిన హ్యుందాయ్ ఎక్స్టర్ అద్భుతమైన పనితీరును కనబరుస్తుంది. సాధారణంగా హ్యుందాయ్ ఎక్స్టర్ ఒక చిన్న SUV. కాని ఇందులో AMT వేరియంట్‌లోని ప్రతి మోడల్ రూ.10 లక్షల లోపే లభిస్తుంది.
ఇది వైర్‌లెస్ ఛార్జర్, LED హెడ్‌లైట్లు, 15 అంగుళాల అల్లాయ్ వీల్స్, సన్‌రూఫ్, ఆపిల్ కార్‌ప్లే, ఆండ్రాయిడ్ ఆటో కనెక్టివిటీతో 8.0 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌తో వస్తుంది. మాన్యువల్ కంట్రోల్ కోసం ఎక్స్టర్ AMTలో ప్యాడిల్ షిఫ్టర్‌ ఆప్షన్ కూడా ఉంది.
