`అఖండ 2ః తాండవం` టీజర్‌.. శివుడిగా బాలయ్య విశ్వరూపం, ఇండియన్‌ బాక్సాఫీసుకి పూనకాలే

బాలకృష్ణ, బోయపాటి శ్రీను కాంబినేషన్‌లో వచ్చిన `అఖండ` భారీ విజయాన్ని సాధించింది. ఆ తర్వాత బాలయ్య తన విజయ పరంపర కొనసాగిస్తూనే ఉన్నారు. ఈ క్రమంలో ఇప్పుడు బాలయ్య, బోయపాటి కలిసి `అఖండ 2ః తాండవం` చిత్రాన్ని రూపొందిస్తున్నారు. ఈ మూవీ నుంచి అదిరిపోయే టీజర్‌ని విడుదల చేసింది యూనిట్‌.

మంగళవారం(జూన్ 10) బాలకృష్ణ పుట్టిన రోజు. ఈ సందర్భాన్ని పురస్కరించుకుని బాలయ్య అభిమానులకు ముందుగానే ట్రీట్‌ ఇచ్చారు బోయపాటి. `అఖండ 2` నుంచి అదిరిపోయే టీజర్‌ ని విడుదల చేశారు. ఇందులో శివుడి అవతారంలో బాలయ్య విశ్వరూపం చూపించారు. విడుదలైన టీజర్‌ పూనకాలు తెప్పించేలా ఉంది.

`నా శివుడి అనుమతి లేనిదే ఆ యముడైనా కన్నెత్తి చూడడు. నువ్వు చూస్తావా?. అమాయకుల ప్రాణాలు తీస్తావా?` అంటూ బాలయ్య చెప్పే పవర్‌ ఫుల్‌ డైలాగ్‌ తో టీజర్ సాగింది. ఇందులో బాలయ్య రెచ్చిపోయారు. సీన్లకి తగ్గట్టుగా ఆయన చెప్పే డైలాగ్‌లో గూస్‌ బంప్స్ తెప్పిస్తున్నాయి.  కానీ బీజీఎం అంతగా ఎక్కేలా లేదు. థమన్‌ రేంజ్‌లో కనిపించలేదు. 

టీజర్‌లో బాలయ్య యాక్షన్‌ వేరే లెవల్‌లో ఉంది. కాశ్మీర్ మంచు కొండల నేపథ్యంలో టీజర్‌ సాగింది. అందులో శివుడి గెటప్‌లో బాలయ్య ఎంట్రీ ఇచ్చారు. త్రిశూలం పట్టుకుని అచ్చం ఆ పరమశివుడిని తలపించేలా ఉన్నారు. పవర్‌ ఫుల్‌ ఎంట్రీతో వాహ్‌ అనిపించారు. అంతేకాదు అమాయకుల ప్రాణాలు తీస్తావా అంటూ విలన్లను ఒక్క దెబ్బతో మట్టికరిపించారు. 

బాలయ్యి విజృంభించిన తీరు నెక్ట్స్ లెవల్‌లో ఉంది. ఈ మూవీ `అఖండ`ని మించి ఉందని టీజర్ చూస్తుంటే అర్థమవుతుంది. టీజరే ఇలా ఉంటే, సినిమా ఇంకా ఏ రేంజ్‌లో ఉంటుందో అర్థం చేసుకోవచ్చు. బాలయ్య, బోయపాటి కాంబినేషన్‌ ఎప్పుడూ డిజప్పాయింట్‌ చేయలేదు. ఇప్పుడు కూడా డిజప్పాయింట్‌ చేయబోదని అర్థమవుతుంది. 

ఇక ఈ మూవీని పాన్‌ ఇండియా లెవల్‌లో రిలీజ్‌కి ప్లాన్‌ చేస్తున్నారు. కనెక్ట్ అయితే మాత్రం బాలయ్య కెరీర్‌లోనే సంచలనాత్మక మూవీగా నిలవబోతుందని చెప్పొచ్చు. రామ్‌ ఆచంట, గోపీ ఆచంట నిర్మించిన ఈ మూవీ దసరా కానుకగా సెప్టెంబర్‌ 25న ఆడియెన్స్ ముందుకు రాబోతుంది.